ತಣ್ಣೀರುಪಂಥ ವಿಪತ್ತು ನಿರ್ವಹಣೆ ಘಟಕದಿಂದ ಭಜನಾ ಮಂದಿರ ಸ್ವಚ್ಛತೆ ಕಾರ್ಯಕ್ರಮ..

 

ಗುರುವಾಯನಕೆರೆ,ಜುಲೈ 31: ತಣ್ಣೀರುಪಂಥ ವಿಪತ್ತು ನಿರ್ವಹಣಾ ಘಟಕ ಹಾಗೂ ಸ್ಥಳೀಯ ಸ್ವಸಹಾಯ ಸಂಘಗಳ ಸದಸ್ಯರು ಜೊತೆಯಾಗಿ ಇಂದು ಕುಪ್ಪೆಟ್ಟಿಯ ಶ್ರೀ ಗಣೇಶ ಭಜನಾ ಮಂದಿರದ ಆವರಣದ ಸ್ವಚ್ಚತಾ ಕಾರ್ಯವನ್ನು ನಡೆಸಿದರು. 

ಭಜನಾ ಮಂದಿರದ ವ್ಯಾಪ್ತಿಯ ಪರಿಸರದ ಸ್ವಚ್ಚತಾ ಕಾರ್ಯವನ್ನು ಸ್ವಯಂ ಪ್ರೇರಣೆಯಿಂದ ನಡೆಸಿದ ಸ್ವಯಂಸೇವಕರು 

ಮಂದಿರದ ಸುತ್ತಲೂ ಬೆಳೆದಿರುವ ಅನಗತ್ಯ ಹುಲ್ಲು, ಗಿಡಗಳನ್ನು ಸವರಿ ತೆರವುಗೊಳಿಸಿದರು. ಮಳೆಯ ನೀರು ಸರಳವಾಗಿ ಹರಿದುಹೋಗುವಂತೆ ಕಾಲುವೆಯನ್ನು ರಚಿಸಿದರು. 

ವಿಪತ್ತು ನಿರ್ವಹಣಾ ಘಟಕದ ಸಂಯೋಜಕರಾದ ಶ್ರೀ ಸುರೇಶ್, ಸ್ವಯಂಸೇವಕಿ ಶೋಭಾ, ಭಜನಾ ಮಂದಿರದ ಅಧ್ಯಕ್ಷರಾದ ಶ್ರೀ ಹರೀಶ್ ನಾಯ್ಕ್, ಒಕ್ಕೂಟದ ಅಧ್ಯಕ್ಷರಾದ ಶ್ರೀ ರಾಮಣ್ಣ ಗೌಡ, ಸ್ವಸಹಾಯ ಸಂಘದ ಸದಸ್ಯರಾದ ಗೀತಾ, ವಸಂತ, ದಾಮೋದರ  ಶ್ರಮದಾನದಲ್ಲಿ ಪಾಲ್ಗೊಂಡಿದ್ದರು.

                   ***